Укытучыларның август киңәшмәсе хәйрия ярдәменнән һәм иҗадилыктан башланды
Мәгариф хезмәткәрләренең конференциясе бүген – 17 август көнне район җитәкчесе Энгель Нәвап улы Фәттаховның мәртәбәле кунаклар белән “Мәктәпкә әзерләнергә булыш!” республикакүләм акциясендә катнашуыннан башланды.
Мәдәният йортында фойеда мәгариф конференциясендә катнашучыларны мәктәпләрнең рейтинг күрсәткечләре каршы алды. Иҗади күргәзмәләрдә мәктәпләр - дөнья югарылыгында уңыш казанган илләрнең мәгариф системасын өйрәнеп, безнең эшчәнлектәге охшаш якларны, аермаларны, өстенлекләрне тасвирлап күрсәтте. Буыннар бәйләнеше, тарихны барлау Актаныш район үзәге балалар бакчалары туплаган "Чемоданда музей" экспонатларында аеруча да ачык чагылды конференциядә. Дәү әти-дәү әни, әти-әни, бала, тәрбияче - берсе дә читтә калмаган әлеге мавыктыргыч шөгыльдән!